МЕНСК
гісторыя па фотаздымках
Галоўная » 2012 » Лістапад » 30 » Было - стала: кінатэатр і жылыя дамы на бульвары Талбухіна. 40 гадоў таму і сёньня.
Падзяліцца:
17:11 Было - стала: кінатэатр і жылыя дамы на бульвары Талбухіна. 40 гадоў таму і сёньня. | |
Працягваем вывучаць па фотаздымках, як мяняўся Менск на працягу XX стагоддзя. Разгледзім бульвар Талбухіна. У другой палове 1960-х тут з'явіўся вельмі неардынарны па тых часах горадабудаўнічы ансамбль, куды, акрамя трох 10-павярховых буйнапанэльных дамоў, увайшлі грамадскі цэнтр, кінатэатр "Партызан" і рэстаран "Каменная кветка" (архітэктары Ю. Шпіт, Е. Саманчук) . Як абышоўся час з гэтым месцам? Калі верыць інтэрнэт-рэсурсам, гэты фотаздымак кінатэатра "Партызан" зроблены ў пачатку 1970-х. На сьцяне будынка, калі не памыляемся, афіша гістарычнай меладрамы «Лэдзі Гамільтан», сусветная прэм'ера якой адбылася ў лістападзе 1968 года. Да верасьня 2005 года «Партызан» рэканструявалі, перарабіўшы у «Дом кіно». Так ён выглядае сёньня. Адчуйце розніцу. Фота жылога комплексу, таксама пачатак 1970-х. Звярніце ўвагу на невялікія дрэўцы. Нашы дні. У кнізе «Сілуэт Мінска», якая выйшла ў 1980 годзе, змяшчаецца наступнае апісаньне ансамбля на бульвары Талбухіна: «Удалым варта прызнаць сілуэтнае рашэньне ўсёй кампазіцыі. Умела выкарыстаны перапад рэльефу і размяшчэньне ў найбольш высокай частцы комплексу аб'ёму шырокафарматнага кінатэатра "Партызан", якому адпавядае на найбольш нізкіх адмецінах рэльефу лёгкі аб'ём круглага ў плане рэстарана "Каменная кветка". Удала знойдзеныя суадносіны мас 9-павярховых дамоў, злучаных гарызантальнымі ўстаўкамі, спадаючыя каскадам па рэльефе, прапарцыянальнасць разрываў ствараюць адзіны ансамбль і сілуэт забудовы». Яшчэ адзін фотаздымак комплексу з 1970-х з іншага ракурсу. Прайшло без малога паўстагоддзя. Аднойчы такімі ж зялёнымі стануць і мікрараёны Каменная Горка, Брылевічы. Засталося толькі пачакаць гадоў 40. Аўтар: Мікалай Градзюшка. Фота: Улад Барысевіч, архіўныя фота - з адкрытых інтэрнэт-крыніц
| |
|
Падзяліцца:
Усяго каментароў: 0 | |