Плошча Перамогі (ад 1958 года)

Былыя назвы:
Круглая плошча.

Месца, дзе цяпер плошча Перамогі, калісь было часткай прыгарада, затапліваемага веснавымі паводкамі ракі Сьвіслач.

Кардынальныя змены пачаліся ў даваенныя 1930-я гады. Па новым генплане меркавалася ўзвядзеньне двух дугападобных дамоў, якія павінны былі стаць асновай будучай Круглай плошчы. Іх будаўніцтва разгарнулася ў 1939 годзе па праекце архітэктара Рамана Столера.

Да 1941 года работы былі амаль завершаны, але пачалася вайна. Пасьля ж вызваленьня Менску тут ўзвышаліся толькі абгарэлыя сьцены дамоў-блізнят. Наноў распачалась праца. Абодва будынкі дабудавалі да 1947 года. У цэнтры плошчы ўсталявалі памятны камень з надпісам, які паведамляў, што неўзабаве тут будзе ўзведзены манумент Перамогі. Сьвяткаваньне 10-й гадавіны вызваленьня Менску ад нямецкіх захопнікаў (1954 год) азнаменавалася адкрыцьцём на плошчы гранітнага абеліску вышынёй 38 метраў, на вяршыні якога блішчэў ордэн Перамогі. Аўтар абеліска архітэктар Георгій Заборскі.

3 ліпеня 1961 ля падножжа манумента генерал-палкоўнік Аляксей Бурдзейны запаліў Вечны агонь.

Падчас будоўлі метро выгляд плошчы Перамогі прыцярпеў змены. Была скарэктавана яе форма: з круглай яна ператварылася ў авальную. Да манумента стала магчыма прайсьці па падземным пераходзе, у якім да 40-годдзя Перамогі адкрылі Мемарыяльную залю ў памяць аб Героях Савецкага Саюза, якія загінулі за вызваленьне Беларусі.

Круглая плошча (Перамогі). Знята ў час акупацыі з нямецкага самалёта.

Фота Круглай плошчы з архіва Троцкага А.В., канец 1940-х гадоў.

Земляныя работы на месцы будучай плошчы Перамогі.

Фота да 1954 г.

Той жа ракурс, толькі зімой.

Будаўніцтва помніка Перамогі. 1954 год. (www.t-s.by)

Круглая плошча 1962 год.

Менск. Плошча Перамогі. Фота ХХ ст.

Позірк на плошчу Перамогі ад двара Дома-музэю І з'езда РСДРП. Знята ў 1958 г. Іваноў Н.А.

Плошча Перамогі. ("Мінск", каляровае фота В.Цюкеля і Н.Граноўскага. Выдавецтва "Прагрэс". Масква. 1962г.)

Ля вечнага агню. Фота 1964 года.

Будоўля станцыі метро пад плошчай Перамогі. Пераходы будаваліся адкрытым спосабам.