Вуліца Леніна.
Кавалак вуліцы Леніна паміж вуліцай Інтэрнацыянальнай і праспектам Незалежнасьці.
Позірк ад плошчы Свабоды.

Пачатак вуліцы Губернатарскай (Леніна).

Позірк на Губернатарскую вуліцу (Леніна). Паштоўка пачатку 20-га стагодззя. (У.Ліхадзедаў, "Мінск. Падарожжа ў часе", Мінск, Тэхналёгія, 2008г.)

Губернатарская вуліца (Леніна). Від ад Саборнай плошчы (пл.Свабоды). Будынак злева - гасьцініца "Эўропа". (В.М.Целеш - альбом "Гарады Беларусі на старых паштоўках", Менск "Беларусь" 2001)

Перспектыва вуліцы Губернатарскай на старых паштоўках пачатку 20-га стагодззя. (крыніца: http://www.polona.pl)

Губернатарская, 10, дом Анцэліовіча, былы Ярохава.
Тэхнічная кантора С.А. Анцэліовіча існавала з 1878 года. Займалісь будоўлей вадаправодаў, каналізацыі, артэзіанскіх калодзежаў, лазень, пралень, паравога атапленьня, электраасьвятленьня. Гандлявала прываднымі рамянямі, прыладамі для лесапільных заводаў, інструментам, станкамі, гумовымі і пяньковымі рукавамі, помпамі, трубамі, змазачнымі алеямі ды ўцяпляльнымі матэрыяламі. Тут жа знаходзілася крама яраслаўскага палатна і саратаўскіх сарпінак (лёгкая паласатая ці клецістая б/п тканіна тыпу паркалю) Н.А.Варанкова. Будынак знаходзіўся на месцы крамы "Ноты", вул. Леніна, 4.

Губернатарская вуліца ўпрыгожана сьцягамі. Вывеска "ЛЕВІНЪ" - нязьменны на ўсіх варыянтах гасьцініцы "Эўропа". Паштоўка пачатку 20-га стагодззя.  (крыніца: http://www.polona.pl)

На няцотным баку Губернатарскай (Леніна) вуліцы месьціліся шляпная крама В.Мышалава, тытунёвая крама А.Рудэрмана, фотаатэл'е, ды шмат чаго яшчэ. (У.Ліхадзедаў, "Мінск. Падарожжа ў часе", Мінск, Тэхналёгія, 2008г.)

Шасьціпавярховая гасьцініца "Эўропа" - "хмарачос" тагачаснага гораду, пабудавана ў 1906 - 1909 гадах у стылі мадэрн на месцы старой трохпавярховай. (В.М.Целеш - альбом "Гарады Беларусі на старых паштоўках", Менск "Беларусь" 2001)

Гасьцініца "Эўропа" на старых паштоўках пачатку 20-га стагодззя. (крыніца: http://www.polona.pl)

Гасьцініца "Эўропа" (крыніца: http://www.hoteleurope.by)

Апошнія перадрэвалюцыйныя часы. Саборная плошча, вуліца Губернатарская. (У.Ліхадзедаў, "Мінск. Падарожжа ў часе", Мінск, Тэхналёгія, 2008г.)

Панарама вуліцы Леніна ў час вайны 1941-1945. На фотаздымку - кут плошчы Свабоды на скрыжаваньні з вуліцай Леніна. Злева - астанкі гасьцініцы "Эўропа". Як бачна на здымку, аднаўляць не было чаго. Фота 1944 г.

Вуліцу Леніна пасьля вайны на гэтым кавалку пашырылі. Пусьцілі трамваі па  Інтэрнацыянальнай. Паміж дамамі на рагу з плошчай адчынілі кавярню "Марозіва" (Пінгвін). (крыніца: tvoya-stolica.bestpersons.ru)