Вуліца Энгельса.

Былыя назвы:
Тэатральная вуліца (1941-1945),
вуліца Энгельса (1922-1941),
вуліца Валадарскага (1919-1922),
Петрапаўлаўская вуліца,
Дамініканская вуліца (да 1804 г.)

Да вайны гэты раён быў забудаваны адно-, двух- і трохпавярховымі дамамі. Так у пачатку ХХ стагодзьзя выглядала Петрапаўлаўская вуліца (Энгельса) на кавалку ад цяперашняй Інтернацыянальнай да праспекта Незалежнасьці. Петрапаўлаўская вуліца, у далечыні, па сярэдзіне - Дамініканскі сабор. Справа цяпер Кастрычніцкая плошча.

Петрапаўлаўская вуліца (Энгельса) на скрыжаваньні з Захар'еўскай (пр.Незалежнасьці). Першы будынак зьлева - гасьцініца "Парыж" да яе рэканструкцыі, справа - Аляксандраўскі сквер. (В.М.Целеш - альбом "Гарады Беларусі на старых паштоўках", Менск "Беларусь" 2001)

Фота часоў вайны 1941-1945 гг. Дом Піянэраў, ТЮГ.

Так выглядала на пачатку ХХ ст. вуліца Петрапаўлаўская (Энгельса). Позірк на праспект незалежнасьці ад Інтэрнацыянальнай. Па левы бок цяпер Кастрычніцкая плошча. (В.М.Целеш - альбом "Гарады Беларусі на старых паштоўках", Менск "Беларусь" 2001)