Аўторак, 17.10.2017, 20:52 | Вітаю Вас Гость | Рэгістрацыя | Уваход
Галоўная » 2012 » Сьнежань » 25 » Было - стала: Няміга паўстагоддзя таму і сёньня
09:45
Было - стала: Няміга паўстагоддзя таму і сёньня
Onliner.by працягвае вывучаць архіўныя фатаграфіі Менску і рабіць здымкі з тых жа ракурсаў. Ужо параўноўвалі мінулае і сучаснасць сталічнага ГУМа, плошчы Незалежнасці, бульвара Талбухіна і іншых усім вядомых раёнаў. Сёньня паглядзім, як за апошнія 40-50 гадоў змянілася Няміга - тое самае месца, дзе калісьці зарадзіўся Менск.

Перанясёмся ў канец 1960-х. У тыя часы на тэрыторыі менскага замчышча (плошча 8 сакавіка) знаходзілася аўтобусная станцыя, адкуль адкрываўся від на яшчэ не сапсаваны рукой «рэстаўратараў» Верхні горад. Сёньня гэтых двух-і трохпавярховых дамоў ужо няма на мапе Менску. Замест іх уздоўж вуліц Багдановіча і Зыбіцкай расьце і шырыцца псеўдагістарычная забудова: кварталы бізнес-цэнтраў, рэстаранаў, гасьцініц і казіно.


Нашыя дні.



Другая палова архіўнага фотаздымка - від на будынак Белпрампраекта ў сваім першапачатковым выглядзе (справа) і комплекс Вялікага гасьцінага двара на плошчы Свабоды. У цэнтральнай частцы фатаграфіі праглядаецца сабор Панны Марыі з знесенымі вежамі, на той час - Дом фізкультурніка.


Кастрычнік 2012-га. Выхад з метро паблізу былога аўтобуснага прыпынку, елкі ўздоўж праспекта і адбудаваны ў мінулым годзе будынак царквы Сьвятога Духа, у якім сёньня месьціцца дзіцячая філармонія (левая частка кадра).



Паркавая магістраль (цяперашні праспект Пераможцаў) прыблізна ў канцы 1950-х - пачатку 1960-х. На заднім плане бачны менскі мячэт, разбураны ў 1962 годзе падчас будаўніцтва рэстарана гасцініцы «Юбілейная».


Наш час.


Зараз у гэта цяжка паверыць, але ў пачатку 1960-х за Палацам спорту пачынаўся лес.


Гарэльеф «Салідарнасьць» з'явіўся на будынку Дома моды ў канцы 1970-х. А да гэтага фасад выглядаў інакш.


Беларускі «хмарачос» Royal Plaza і багацце вулічнай рэкламы - прыкметы нашага часу.


Дзесяціпавярховы будынак «Белпрампраекта» - рэвалюцыйная на фоне менскай архітэктуры другой паловы 1960-х гадоў збудаваньне са шкла і бетону. У 1980-х будынак падвергнуўся рэканструкцыі, якая дадала яму шэрасьці. У мінулым годзе будынак быў абнаўлёны на сучасны беларускі лад: люстраное шкло і бэжавая плітка.






Вядома, гэта далёка ня поўны фотаагляд Нямігі. Пра астатнія месцы мы раскажам у іншы раз.
Праглядаў: 1277 | Дадаў: DzedFyodar | Тэгі: Няміга, Белпрампраект | Рэйтынг: 0.0/0

Падзяліцца:

Усяго каментароў: 0
Дадаваць каментары могуць толькі зарэгістраваныя карыстальнікі.
[ Рэгістрацыя | Уваход ]